2019 оныг Автотээврийн үндэсний төвөөс Тээврийн ухаалаг системийг дэмжих жил болгож зарласантай холбогдуулан Хэнтий Автотээврийн төв, зорчигч урсгал ихтэй хот хоорондын болон орон нутгийн тээвэрлэлтийг хөгжүүлэх боломж бүхий сумдад календарчилсан төлөвлөгөөны дагуу ажиллаж эхлээд байна. Энэ оны хагас жил гэхэд аймгийнхаа бүх сумдын чиглэлд орон нутгийн аюулгүй тээврийг стандартийн дагуу хүргэх зорилт тавин ажиллаж байна. Ингэсэнээр бид орон нутгийн нийтийн тээврийг бүх сумддаа хүргэсэн Монгол улсын цөөн хэдэн аймгийн нэг болох юм. Хэнтий аймгийн Автотээврийн газрын дарга Б. Ганбат , Байцаагч Батцоож гэсэн 4 хүний бүрэлдэхүүнтэй ажлын хэсэг 2019-03-13 с Батноров,Баяновоо сумдад ажиллаж байна.